सबारी ज्यान मुद्दाका फरार प्रतिवादी पक्राउ

राजविराज । सबारी ज्यान मुद्दामा अदालतबाट कैद र जरिवाना तोकिएपछि फरार रहेका एक प्रतिवादी सप्तरीबाट पक्राउ परेका छन् ।

पक्राउ पर्नेमा जिल्लाको तिलाठी कोइलाडी गाउँपालिका वडा नम्बर ७ बस्ने जगदीश मण्डल छन् । उनलाई गाउँघरमा लुकेर बसेकै अवस्थामा पक्राउ गरिएको सप्तरी प्रहरीका प्रबक्ता एवं डीएसपी ढुण्डीराज न्यौपानेले जानकारी दिए ।

उनका अनुसार सप्तरी जिल्ला अदालतले सबारी ज्यान मुद्दामा मण्डललाई ३ बर्ष कैद र रु ३२ हजार जरिवाना तोकिएको थियो । यसपछि उनी फरार रहेका थिए ।