राजविराज । सप्तरीको हनुमाननगर कंकालिनी नगरपालिकाले महिलाका लागि बजेट विनियोजन नगरेको अगुवा महिलाहरुले गुनासो गरेकी छन् ।
मंगलबार नगरपालिका पुगेको महिलाहरुको एक समूहले पटक–पटक महिलाका लागि बजेट विनियोजन गर्न आग्रह गरेपनि जनप्रतिनिधीले नमानेको गुनासो गरे ।
चालू आ.ब. २०८०÷८१ को बजेटबाट महिलाका लागि बजेट छुट्टयाउन हामीले पटक–पटक आग्रह ग¥यौं, तर नगर प्रमुखसहितका जनप्रतिनिधीले कुनै चासो देखाएन्’ महिलाका अगुवा सुशिला यादवले भनिन्, ‘महिलाका लागि बजेट विनियोजन नगरे हामी महिला आन्दोलनमा उत्रिन्छौं ।’
पछिल्लो पटक मंगलबार महिलाहरुले नगरपालिकाका प्रमुख प्रशासकीय अधिकृत किशोर रामलाई महिलाका लागि बजेट विनियोजन गर्न आग्रह गर्दै ज्ञापन बुझाएका छन् । नगरपालिकाको हुने मिनी सभा मार्फत् बजेट विनियोजन गर्नका लागि आग्रह गरेको बताउँदै महिला अगुवा यादवले भनिन्, ‘अब पनि नगरेमा हामी आन्दोलनमा उत्रन्छौं ।’
तत्कालिन गाविस हुँदा नै महिलाका लागि १० प्रतिशत बजेट विनियोजन हुने गरेको बताउँदै उनले संघीयता आएपछि जनप्रतिनिधीले यसमा ध्यान दिन छाड्नु चिन्ताको बिषय भएको बताइन् ।
