राजविराज । सप्तरीका एक दाजुभाइले आमाको नामबाट नागरिकता पाएका छन् ।
जिल्लाकाे छिन्नमस्ता गाउँपालिका वडा नम्बर ५ लाेखरमका २८ बर्षिय शिबचरण सदा तथा ५ उनकै भाई २६ बर्षिय रामचन्द्र सदाले आमा रामवती सदाको नामबाट नागरिकता पाएका हुन्।
जन्मिएको केही दिनमै पिताको निधन भएको र पिताको मृत्यु दर्ता या नागरिकता कुनै प्रमाण नहुँदा सदा दाजुभाइलाई नागरिकता बनाउन समस्या भएको थियो ।
लामो समयको लगातारको प्रयत्नपछि दुबैकाे नागरपकता बनाउन सफल भएको गाउँपालिकाका अध्यक्ष विद्यानन्द चौधरीले बताए ।
‘सदा दाजुभाइको जन्म भएकोे केही दिनमै उनीहरुका पिता खटरको निधन भएको थियोे’ चौधरीले भने, ‘बुबाको कुनै यथोचित प्रमाण नभएको कारण दुबै जना नागरिकताबाट बन्चित थिए ।’
अध्यक्ष चाैधरीले यसअघि पनि गाउँपालिकाकाे वडा नम्बर ३ निवासी मीरादेवी मण्डलकाे नागरिकता बनाउन पहल गरेका थिए ।
उनले विभिन्न कारणले नागरिकताबाट बंचित भएकाहरूकाे शुचि बनाउन लागेकाे र ती सबैलाई नागरिकता दिलाउने आफ्नो लक्ष्य रहेको बताए ।
