राजविराज । पत्रकार नवीन कुमार गुप्तालाई ज्यान मार्ने धम्की दिएका अभिषेक मण्डल पक्राउ परेका छन् ।
सप्तरीको महादेवा गाउँपालिका वडा नम्बर ६ ढिकुली निवासी मण्डललाई बिहीबार पक्राउ गरिएको सप्तरी प्रहरीले जनाएको छ ।
उनलाई राजविराजबाट पक्राउ गरिएको सप्तरी प्रहरीका प्रवक्ता एवं डीएसपी ढुन्डीराज नेउपानेले जानकारी दिए ।
जिल्लाको महादेवा गाउँपालिकामा भएको विद्युतीकरणमा अनियमितता सम्बन्धी राजविराज दैनिक पत्रिकामा समाचार लेखेकै कारण महादेवा
गाउँपालिकाका अभिषेक मण्डलले गुप्तालाई ज्यान मार्ने धम्की दिएका थिए ।
पत्रकार गुप्ताका अनुसार मण्डलले फोन गरेर समाचारमा मेरो नाम किन हालेको भन्दै ज्यान मार्ने धम्की दिएका हुन् ।
पत्रकार गुप्ता नेपाल पत्रकार महासंघका काेषाध्यक्ष र नेपाल प्रेस युनियनका उपाध्यक्ष हुन् ।
नेपाल पत्रकार महासंघका अध्यक्ष श्रवणकुमार देव र सचिव रामनारायण विश्वासले जिल्ला प्रहरी प्रमुख एसपी गजुसिद्दी बज्राचार्यलाई निवेदन दिदै
धम्की दिनेलाई कानुन अनुसार कार्वाही गर्न माग गरेका थिए ।
