राजविराज । नेपाली कांग्रेस सप्तरीले क्रियाशिल सदस्यता बितरण एवं नवीकरण गर्ने प्रकृया सम्बन्धी मिति निर्धारण गरेको छ ।
पार्टी सभापति रामदेव साहका अनुसार आगामी भदौ २६ देखि २९ गतेसम्म क्रियाशिल सदस्यता नवीकरण एवं नयाँ प्रदान गर्ने सम्बन्धी प्रकृया शुरु गर्ने भएको हो ।
भदौ २६ गते क्षेत्र न्म्बर ४ को कल्याणपुरमा, २७ गते क्षेत्र नम्बर ३ को पत्थरगाडामा, २८ गते राजविराजस्थित पार्टी कार्यालयमा र २९ गते क्षेत्र नम्बर १ को कंचनरुप नगरपालिकास्थित बरमझियाको सामुदायिक भवनमा यो काम गरिने सभापति साहले बताए ।
उपरोक्त मितिमा जिल्ला समितिले सम्बन्धित क्षेत्रिय सभापतिलाई नवीकरण र नयाँ सदस्यताको जिम्मेबारी प्रदान गर्नेछ भने क्षेत्रिय समितिले प्रदेश समितिलाई, प्रदेश समितिले सम्बन्धित पालिकालाई र पालिकाले वडा समितिलाई जिम्मेबारी प्रदान गर्ने कार्यक्रम रहेको पार्टीका जिल्ला सचिव सनत मण्डलले जानकारी दिए ।
