शाेकमा हनुमाननगर कंकालिनी नपाका फाेटाे स्टुडियो बन्द 

राजविराज । एक फाेटाे स्टुडियाेका संचालककाे निधन भएको शाेकमा सप्तरीको हनुमाागर कंकालिनी नगरपालिकाका फाेटाे स्टुडियो आज बन्द गरिएको छ ।

नगरपालिकाकाे वडा नम्बर ९ स्थित शंकर डिजिटल स्टुडियो एण्ड फलेक्स प्रिन्टका संचालक शंकर साहकाे मंगलबार निधन भएको छ ।

सप्तरी फाेटाे ग्राफर संघका सदस्य समेत रहेका साहकाे २५ बर्षकै अल्पआयुमा निधन भएको संघका अध्यक्ष रमेश राउतले बताए । निधन भएका साहप्रती श्रद्धाञ्जली व्यक्त गर्दै राउतले शोकमा आज हनुमाननगर कंकालिनी नगरपालिकाभित्रका सम्पूर्ण फाेटाे स्टुडियो बन्द गरिएको जानकारी दिए ।

उनको शाेकमा शनिबार जिल्लाभरिका सम्पूर्ण फाेटाे स्टुडियो बन्द गरिने अध्यक्ष राउतले बताए ।

लिभर सम्बन्धी समस्याले पीडित साह दिल्लीबाट उपचार गराएर साेमबार राति फर्किएका थिए । मंगलबार बिहानै उनको निधन भएको हो ।