राजविराज । सप्तरी प्रहरीले भन्सार छलेर ल्याइएको लेडिज चप्पलसहित एक जनालाई पक्राउ गरेको छ ।
पक्राउ पर्नेमा राजगढ गाउँपालिका वडा नम्बर ६ बस्ने इस्माइल खान छन् । नम्बर प्लेट नदेखिएको सिबिजेड मोटरसाइकलमा भारतबाट भन्सार छलेर चप्पल ल्याउँदै गर्दा ३७ बर्षीय खानलाई बिष्णुपुर गाउँपालिका ३ स्थित मुसहर्नियाँ टोलबाट पक्राउ गरिएको प्रहरीले जनाएको छ ।
रु १ लाख ३१ हजार बराबरको चप्पल र मोटरसाइकलसहित पक्राउ परेका उनलाई आवश्यक कार्वाहीका लागि भन्सार कार्यालयमा बुझाइएको जिल्ला प्रहरी कार्यालय, सप्तरीका प्रहरी निरीक्षक उदय राईले जानकारी दिए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
