राजविराज । नयाँ प्रमुख जिल्ला अधिकारी (सीडीओ) को रुपमा सप्तरी आएका भोला दाहालले तटस्थ र निष्पक्ष भएर काम गर्ने बताएका छन् ।
जिल्लाका पत्रकारहरुसँग मंगलबार भेटवार्ता गर्दै दाहालले यस्तो बताएका हुन् । प्रमुख जिल्ला अधिकारीको पद नै समन्वय र सहजीकरण गर्ने रहेको भन्दै उनले सबैसँग समन्वय र सहजीकरण गरेर अघि बढ्ने बताए ।
निष्पक्ष भएर काम गर्ने बताउँदै उनले कसैको घरमा गएर एक छाँक पनि खाना नखाने बताए । ‘होटेलमा पनि कसैसँग गएर केहि खाइँदैन्’ उनले भने, ‘बाँकी कुरा मेरो कामले दखाउँछ ।’
उनले सप्तरीबासीलाई अनुभूति हुने गरी काम गर्ने बताए ।
प्रजिअ दाहालले जिल्लाको शान्ति सुरक्षाको सवालमा तथा बेथिति हटाउने बिषयमा पत्रकारले सहयोग गर्नुपर्ने बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
