राजविराज । ठूलो मात्रामा लागूऔषध गाँजा बरामद गर्ने सप्तरीका चार जना प्रहरीलाई पुरस्कृत गरिएको छ ।
परालले छाेपेकाे अवस्थामा सप्तरीको बलानबिहुल गाउँपालिका १ बाट प्रहरीले शनिबार राति ६७० किलो गाँजा बरामद गरेको थियो ।
परालले छाेपेकाे अवस्थामा ६७० किलो गाँजा बरामद गर्ने प्रहरी चौकी मौवाहाका इन्चार्ज हेमन्त तामाङसहित चार जनालाई पुरस्कृत गरिएको हाे । पुरस्कृत हुने अन्यमा वरिष्ठ हबल्दार राजकुमार महताे, प्रहरी जवान अरुण साह र मुकेश राय पनि छन् ।
उनीहरूलाई जिल्ला प्रहरी प्रमुख एसपी ढकेन्द्र खतिवडाले नगदसहित पुरस्कृत गरे ।
राम्रो काम गर्नेको मनोबल बढाउन पुरस्कृत गरिएको एसपी खतिवडाले बताए ।
विशेष सुराकीको आधारमा तामाङ नेतृत्वको टाेलीले गाँजा बरामद गरेको थियाे ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
