राजविराज । नेकपा एमाले, सप्तरीको १० औ अधिवेशन भाेलीदेखि शुरू हुने भएको छ । अधिवेशनकाे सम्पूर्ण तयारी पूरा भइसकेको सप्तरी एमालेले जनाएको छ ।
एमाले पदाधिकारीले आज राजविराजस्थित आफ्नै पार्टी कार्यालयमा पत्रकार सम्मेलन गर्दै अधिवेशनको सम्पूर्ण तयारी पूरा भइसकेको जनाएका छन् ।
एमालेका जिल्ला अध्यक्ष ताराकान्त चाैधरीले अधिवेशनकाे उद्घाटन गर्नका लागि पार्टीका उपाध्यक्ष रामबहादुर थापा ‘बादल’ आउने जानकारी दिए ।
अधिवेशनको उद्घाटन कार्यक्रम पार्टी कार्यालय प्राङ्गणमा हुनेछ ।
अधिवेशनमा ३५२ प्रतिनिधि र १०० स्वयंसेवकको सहभागी हुने अध्यक्ष चौधरीले बताए ।
अधिवेशनको बन्द सत्र ३१ गते हुनेछ ।
पत्रकार सम्मेलनमा पार्टीका जिल्ला इन्चार्ज सुमनराज प्याकुरेल, क्षेत्रीय इन्चार्जहरु राजकुमार लेखी, जितेन्द्र नारायण देवसहितको सहभागिता थियो ।
यो खबर पढेर तपाईलाई कस्तो महसुस भयो ?
+1
1
+1
+1
+1
+1
+1
+1
