राजविराज । जनता समाजवादी पार्टी (जसपा) नेपालका अध्यक्ष उपेन्द्र यादवको नाम पनि सप्तरी क्षेत्र नम्बर–२ बाट उम्मेदबारको रुपमा सिफारिस भएको छ ।
यसअघि यो क्षेत्रबाट जनमत पार्टीका अध्यक्ष डा. सिके राउत र राष्ट्रिय मुक्ति पार्टीका अध्यक्ष राजेन्द्र महतोको नाम सिफारिस भइसकेको छ । पार्टीका क्षेत्रिय समितिहरुले आफ्ना राष्ट्रिय अध्यक्षहरुको नाम सिफारिस गरेका हुन् ।
जसपा नेपाल क्षेत्रिय समितिको शुक्रबार राजविराजमा बसेको बैठकले अध्यक्ष उपेन्द्र यादवको नाम एकल रुपमा सिफारिस गरेको छ ।
पार्टीका जिल्ला अध्यक्ष केदार यादवले राष्ट्रिय अध्यक्षको नाम आएपछि अन्य कसैले पनि उम्मेदबारी दावी नगरेको बताए ।
बैठकमा सहभागी भएका नेताहरुले जिल्लामा धेरै कामहरु रोकिएकाले राष्ट्रिय अध्यक्षलाई उम्मेदबार बनाउँदै जिताउन एकमत भएका थिए ।
जसपा अध्यक्ष यादव २०७४ को निर्वाचनमा सप्तरी–२ बाटै निर्वाचित भएका थिए । २०७९ सालको निर्वाचनमा भने उनी जनमतका अध्यक्ष डा. सिके राउतसँग पराजित भएका थिए ।
पराजित भएपछि बाराबाट चुनाव लडेर जितेका उपेन्द्र यादवको पुनः सप्तरीबाट सिफारिस गरिएको छ ।
