राजविराज । छाँक टार्न समेत समस्या हुने एक विपन्नको परिवारका अभिभावककै निधन भएपछि ती परिवारलाई सप्तरी युथ नेपालले पनि विभिन्न सामान सहयोग गरेको छ ।
राजविराज नगरपालिका वडा नम्बर ५ बस्ने अनबहादुर आलेको निधन भएपछि परिवारलाई छाँक टार्न समस्या भइरहेको समाचार संचार माध्यममा आएपछि सप्तरी युथ नेपालका युवाले आज सहयोग गरेका हुन् ।
बिहान मगरको घरमा पुगेर उनीहरूले सहयोग गरेका हुन् ।
नगद ५ हजार ५०, चामल २५ किलो, दाल पाँच किलो, आलु ५० किलो, चना पाँच किलो, त्रिपाल एक थान, बल्यांकेट दुई थान, भुजा पाँच किलाे, खाने तेल पाँच लिटर र विभिन्न किसिमका मसाला सहयोग गरिएको सप्तरी युथ नेपालका कावा अध्यक्ष माेहन यादवले जानकारी दिए ।
सप्तरी युथ नेपालका पदाधिकारीले आफैं रकम संकलन गरि मगर परिवारलाई सहयोग गरेको उनलेे बताए ।
७२ बर्षको उमेरमा मगरको निधन भएपछि उनका माइली छोरी १८ बर्षकी इनिशा र कान्छी १६ बर्षकी एरिका किरियापुत्री बसेकी छन् ।
कृया खर्च जुटाउन समस्या भैरहेको निधन भएकाका पत्नी दीपाको प्रतिक्रियापछि उनको परिवारलाई सहयोग हुन थालेको छ ।
