राजविराज । उच्च अदालत बार एशोसिएशन राजविराजले पुस्तकालय स्थापना गरेको छ ।
बार भवनको दोस्रो तल्लामा निर्माण गरिएको नयाँ भवनमा शुक्रबार पुस्तकालय स्थापना गरिएको हो । वरिष्ठ अधिबक्ता हिम्मत सिंहले एक कार्यक्रमकाबीच पुस्तकालयको उद्घाटन गरे ।
त्यस अवसरमा सिंहले पुस्तकालयका निम्ति पुस्तकहरु समेत हस्तान्तरण गरेका छन् ।
पुस्तकालय उद्घाटनपछि बारको भवनमा सम्मान कार्यक्रमको आयोजना गरिएको थियो । नेपाल बार एशोसिएशंनका केन्द्रीय अध्यक्ष वरिष्ठ अधिवक्ता डा. विजय प्रसाद मिश्रको प्रमुख आतिथ्यमा आयोजना गरिएको कार्यक्रममा बिभिन्न क्षेत्रका व्यक्तिहरुलाई सम्मान गरियो ।
विद्यवारिधी गर्नु हुने बरिष्ठ अधिवक्ता देब नारायण यादव, अधिवक्ताहरु शिब नारायण यादव, अयोधी प्रसाद यादव, ललित कुमार यादव, सर्वेश चन्द्र मिश्र, हेम कुमार मिश्र, चिरञ्जिवी लाल देव र सन्तोष कुमार चमन लाई सम्मान गरियो ।
यस्तै, सप्तरी जिल्लामा रहेर साहित्य श्रृजना गर्ने र पुस्तक लेख्ने व्यक्तित्व हरु ध्रुव कुमार भूजेल, मञ्जु श्रेष्ठ, डा. पिताम्बर लाल यादव, रामकृष्ण प्रसाद श्रेष्ठलाई सम्मान गरियो भने प्रा. हरिकान्त दास तथा मुक्तिनाथ मण्डललाई मरणोपरान्त सम्मान गरिएको उच्च बारका अध्यक्ष हरेराम यादवले जानकारी दिए ।
उक्त अवसरमा गत पुस ७ गते बार दिवसको अवसरमा रक्तदान गर्ने १० जनालाई प्रमाण पत्र र डोनर कार्ड समेत वितरण गरिएको उनले बताए ।
