एस.के.शान
सप्तरीबाट प्रतिनिधी सभा सदस्य पदका लागि १०५ जनाले उम्मेदबारी दिएका छन् । चार पदका लागि यत्रो उम्मेदबारी परेको हो ।
सबैभन्दा बढी क्षेत्र नम्बर २ बाट उम्मेदबारी परेको छ । यो क्षेत्रबाट १४ जना स्वतन्त्रसहित ३४ जनाले उम्मेदबारी दिएका छन् ।
क्षेत्र नम्बर १ बाट २२ जनाको उम्मेदबारी पर्दा एउटै पार्टीबाट दुई जनाको दर्ता भएको छ । नेपाली कम्युनिष्ट पार्टी (नेकपा) बाट दुई जनाले उम्मेदबारी दिएका छन् । एक जनाको खारेज हुने जिल्ला निर्वाचन कार्यालयले जनाएको छ ।
क्षेत्र नम्बर ३ बाट पनि २२ जनाको उम्मेदबारी पर्दा क्षेत्र नम्बर ४ बाट २७ जनाले उम्मेदबारी दर्ता गराएका छन् ।
क्षेत्र नम्बर १ मा को–को उम्मेदबार ?
सप्तरी क्षेत्र नम्बर १ बाट २२ जनाले उम्मेदबारी दिएका छन् । कंचनरुप नगरपालिका ८ स्थित निर्वाचन अधिकृतको कार्यालय पुगेर उनीहरुले उम्मेदबारी दिएका हुन् ।
उम्मेदबारी दिनेमा राष्ट्रिय प्रजातन्त्र पार्टीबाट सत्यजीत कुमार झा, नेपाल जनता पार्टीबाट दिपेन्द्र प्रसाद यादव, नेपाली कांग्रेसबाट जिल्ला सभापति समेत रहेका रामदेव साह, नागरिक उन्मुक्ति पार्टीबाट टिकालक्ष्मी चौधरी, जनमत पार्टीबाट जयकान्त राउत, जनता समाजवादी पार्टी, नेपालबाट श्यामसुन्दर सरदार, नेपाल जनता संरक्षण पार्टीबाट खेमराज जैशी, नेपाली कम्युनिष्ट पार्टीबाट सागर कुमार चौधरी र रबीन्द्र कुमार चौधरी, स्वाभिमान पार्टीबाट सुमित कुमार, नेकपा एमालेबाट सुमनराज प्याकुरल छन् ।
यस्तै, आम जनता पार्टी (एकल चुनाव चिन्ह) बाट कौशल साह, उज्यालो नेपाल पार्टीबाट हर्खनारायण चौधरी, राष्ट्रिय स्वतन्त्र पार्टीबाट पुष्पा कुमारी चौधरी, राष्ट्रिय एकता दलबाट शम्भु प्रसाद देवले उम्मेदबारी दिएका छन् ।
यो क्षेत्रबाट उम्दा देवी सदा, लेखनाथ कुमार ठाकुर, रिजवाना खातुन, रामकुमारी खंग, मो. अमिन, संजय कुमार शर्मा र जगदेव सदाले स्वतन्त्र उम्मेदबारी दिएका छन् ।
क्षेत्र नम्बर २ बाट कति उम्मेदबार ?
निर्वाचन क्षेत्र नम्बर २ बाट ३४ जनाले उम्मेदबारी दिएका छन् । यो क्षेत्रबाट राष्ट्रिय अध्यक्षदेखि पूर्व मुख्यमन्त्रीसम्मले राजीनामा दिएका छन् ।
उज्यालो नेपाल पार्टीबाट दिपक चौधरी, आम जनता पार्टी (एकल चुनाव चिन्ह) बाट सुनिल राज दास, राष्ट्रिय स्वतन्त्र पार्टीबाट रामजी यादव, नेपाल मजदुर किसान पार्टीबाट निलम कुमारी यादव, नेपाल जनता पार्टीबाट रन्जु कुमारी झा (ठाकुर), जनता लोकतान्त्रिक पार्टी, नेपालबाट बलराम प्रसाद यादव र जनता समाजवादी पार्टी, नेपालबाट उमेश कुमार यादवले उम्मेदबारी दिएका छन् ।
यस्तै, जनमत पार्टीबाट अध्यक्ष चन्द्रकान्त राउत, नेपालका लागि नेपाली पार्टीबाट इन्द्रसागर गुप्ता, नेपाल संघीय समाजवादी पार्टी (एकल चुनाव चिन्ह) बाट राजकुमार मण्डल, स्वाभिमान पार्टीबाट सतिश कुमार सिंह, नेपाली कांग्रेसबाट रामकुमार यादव, राष्ट्र निर्माण दल नेपालबाट अफरोज आलम, नेकपा एमालेबाट मो. जियाउल रहमान, श्रम संस्कृति पार्टीबाट त्रिभुन खंग, सार्वभौम नागरिक पार्टीबाट दिप कुमार मण्डल, नेपाली कम्युनिष्ट पार्टीबाट सुर्यनाथ प्रसाद यादव, राष्ट्रिय मुक्ति पार्टी नेपालबाट अनिस अन्सारी, जनअधिकार पार्टीबाट शरदसिंह यादव, राष्ट्रिय प्रजातन्त्र पार्टीबाट अजय कुमार दासले पनि यो क्षेत्रबाट उम्मेदबारी दिएका छन् ।
यो क्षेत्रबाट पारशमणी यादव, जितेन्द्र कुमार यादव, साधना दास, विशेश्वर यादव, सन्तोष कुमार रजक, किसुनदेव राम, संजय कुमार चौधरी, बिनोदानन्द झा, सुशिला कुमारी साह, रामबिलास ठाकुर, अभिनास कुमार सिंह, अम्बिकादेवी साफी, बिन्दु कुमारी चौधरी र प्रेम कुमार यादवले स्वतन्त्र उम्मेदबारी दिएका छन् ।
क्षेत्र नम्बर ३ बाट को–को ?
यो क्षेत्रबाट २२ जनाले उम्मेदबारी दिएका छन् ।
जसमा बहुजन एकता पार्टी नेपाल (एकल चुनाव चिन्ह) बाट महादेव राम, नेपाल मजदुर किसान पार्टीबाट प्रभु प्रसाद साह, आम जनता पार्टी (एकल चुनाव चिन्ह) बाट धनिक लाल चौधरी, राष्ट्रिय स्वतन्त्र पार्टीबाट अमरकान्त चौधरी, नेपाल जनता पार्टीबाट सन्तोष कुमार चमन, जनता समाजवादी पार्टी, नेपालबाट पार्टीका अध्यक्ष उपेन्द्र यादव, नेकपा एमालेबाट जिल्ला अध्यक्ष रहेका ताराकान्त चौधरी, नेपाली कम्युनिष्ट पार्टीबाट अरुण कुमार साह, राष्ट्रिय मुक्ति पार्टी नेपालबाट गजेन्द्र कुमार मण्डल, उज्यालो नेपाल पार्टीबाट परमेश्वर लाल साह, नेपाली कांग्रेसबाट दिनेश कुमार यादव, राष्ट्रिय प्रजातन्त्र पार्टीबाट उम्देश्वर प्रसाद साहु, जनमत पार्टीबाट सुरेन्द्र प्रसाद शर्मा र श्रम संस्कृति पार्टीबाट जयनारायण मण्डलले यो क्षेत्रबाट उम्मेदबारी दिएका छन् ।
प्रभुनारायण चौधरी, कौशल कुमारी चौधरी, ओमप्रकाश विश्वकर्मा, हरिनारायण पासवान, रजिया देवी सदा, सरिता कुमारी यादव, कोशिला देवी पासवान, दुबीलाल यादवले यो क्षेत्रबाट स्वतन्त्र उम्मेदबारी दिएका छन् ।
क्षेत्र नम्बर ४ बाट को–को ?
यो क्षेत्रबाट २७ जनाले उम्मेदबारी दिएका छन् ।
उज्यालो नेपाल पार्टीबाट विशो कुमार यादव, नेपाली कांग्रेसबाट तेजुलाल चौधरी, जनता समाजवादी पार्टी, नेपालबाट बाबी सिंह, राष्ट्रिय प्रजातन्त्र पार्टीबाट रुप कुमार न्यौपाने, नेपाल मजदूर किसान पार्टीबाट रामनारायण साह, नेपाल जनता पार्टीबाट कोशल किशोर दास, नेकपा एमालेबाट गंगा प्रसाद चौधरी, राष्ट्रिय स्वतन्त्र पार्टीबाट सिताराम साह, जनमत पार्टीबाट जितेन्द्र कुमार साह, नेपाली कम्युनिष्ट पार्टीबाट रुबी कुमारी कर्ण, नागरिक उन्मुक्ति पार्टीबाट रमाकान्त चौधरी, राष्ट्र निर्माण दल नेपालबाट मो. जाकिर अली, नेपाली जनता दलबाट रामबाबु रजक, आम जनता पार्टी (एकल चुनाव चिन्ह) बाट अनिता कुमारी चौधरीले उम्मेदबारी दिएका छन् ।
यो क्षेत्रबाट सनम कुमारी चौधरी, रामेश्वर मण्डल धानुक, सुनिल कुमार यादव, सन्तोष प्रसाद सिंह, सुरेन्द्र प्रसाद साह, केश्वर प्रसाद साह, श्यामसुन्दर साहु, किर्तिनन्द चौधरी, दुर्गा प्रसाद यादव, संजीब कुमार साह, शिबकुमार कापैर, बिनोद कुमार मण्डल र प्रेम कुमारी महराले स्वतन्त्र उम्मेदबारी दिएका छन् ।
