मधेश सम्वाददाता
सर्लाही, २० भदौ ।
सर्लाहीबाट जुवा खेलिरहेका चार जिल्लाका १२ जना पक्राउ परेका छन् ।
हरिवन नगरपालिका २ स्थित छाप्रोमा कौडा खेलिरहेका उनीहरुलाई सोमबार बिहान २ बजेतिर पक्राउ गरिएको प्रहरीले जनाएको छ । उनीहरुको साथबाट रु २ लाख ७१ हजार ६०० र भारतीय २५० रुपैयाँ, ४ थान कौडा, तास, हुक्का सानो इन्भर्टर एक थान बरामद भएको सर्लाही प्रहरीका प्रबक्ता एवं डीएसपी विजय यादवले जानकारी दिए ।
पक्राउ पर्नेमा हरिवन नगरपालिका १ बस्ने ३५ बर्षीय तेज बहादुर गोले, ५३ बर्षीय शंकर श्रेष्ठ, ३४ बर्षीय चान्द खाँ, हरिवन नगरपालिका २ बस्ने ४९ बर्षीय टिका प्रसाद घिमिरे, ३० बर्षीय भीम लामा, ४० बर्षीय हरि पौडेल, ३४ बर्षीय मान बहादुर थिङग छन् ।
यस्तै, कोडैना गाउँपालिका २ बस्ने ५४ बर्षीय चुनीलाल चौधरी, पर्साको प्रसौनीभाठा नगरपालिका २ बस्ने ५४ बर्षीय पानालाल प्रसाद साह, धनुषाको मिथिला बिहारी नगरपालिका ७ बस्ने ५९ बर्षीय ईश्वरी साह, महोत्तरीको बर्दिबास नगरपालिका ८ बस्ने २९ बर्षीय हिरा बहादुर श्रेष्ठ र महोत्तरीकै औरही नगरपालिका २ बस्ने ३८ बर्षीय हरिनारायण महतोलाई पनि पक्राउ गरिएको डीएसपी यादवले जानकारी दिए ।
पक्राउ परेकाहरुलाई नियन्त्रणमा राखी थप अनुसन्धान गर्ने कार्य भइरहेको प्रहरीले जनाएको छ ।
