मधेश सम्वाददाता
जनकपुरधाम, २० भदौ ।
जंगलबाट आएका हात्तीले धनुषाको मिथिला नगरपालिकाको ढल्केवरमा सात वटा घर भत्काएका छन् ।
आइतबार मध्य रातमा आएको दुईवटा हात्तीले ढल्केवरस्थित नयाँ टोलमा चार वटा र खानेपानी टंकीटोलमा तीनवटा घर भत्काएको प्रहरीले जनाएको छ ।
स्थानीयका अनुसार पूर्व बसही खोला हुँदै नयाँ टोलमा प्रवेश गरेका हात्तीले घरहरु भत्काउन थालेपछि स्थानीयवासीले आगो बालेर थाल पिट्दै लखेटेको थियो । स्थानीयवासीले खलेटेपछि नयाँ टोलबाट भागेका हात्ती खानेपानी टंकी टोलमा गएर तीनवटा घरमा क्षति पु¥याएको छ ।
इलाका प्रहरी कार्यालय ढल्केवरका प्रहरी निरीक्षक रामसागर सिंहले हात्तीले मानवीय क्षति नगरेपनि घर भत्काएर घरभित्र भएका अन्नपात खाइदिएको बताए । गाउँमा हात्ती प्रवेश गरेर घरहरु भत्काइरहेको जानकारी पाएपछि प्रहरीको टोली पुगेर स्थानीयको सहयोग जंगलतर्फ धपाइएको उनले बताएका छन् ।
