मेयरमा पराजित सरावगी प्रतिनिधी सभाको उम्मेदबार सिफारिस

मधेश सम्वाददाता
बीरगंज, २१ भदौ ।
वीरगञ्ज महानगरपालिकाको मेयरमा पराजित पूर्वमेयर विजय सरावगीलाई नेकपा एमालेले पर्सा क्षेत्र नम्बर २ बाट प्रतिनिधिसभा सांसदको उम्मेदवारमा सिफारिस गरेको छ ।
आगामी मंसिर ४ मा हुने निर्वाचनको लागि एमालेले प्रतिनिधिसभा पर्सा क्षेत्र नम्बर २ बाट प्रत्यक्षमा सरावगीसहित चार जनाको नाम सिफारिस गरिएको एमाले पर्साका अध्यक्ष जयप्रकाश थारूले जानकारी दिए ।
उनका अनुसार सरावगीसहित बसरुदिन अन्सारी, निर्मला देवकोटा र प्रभु हजराको पनि नाम सिफारिस गरिएको छ । सिफारिस भएका हजरा एमाले पर्साका इन्चार्ज हुन् ।
२०७४ सालको स्थानीय तहको निर्वाचनमा तत्कालीन संघीय समाजवादी फोरम नेपालबाट सरावगी महानगरको मेयरमा निर्वाचित भएका थिए ।