स्थानीय तहको पहिलो कार्यकाल सकिएको छ । पालिकाहरुको कार्यकाल दोस्रो पटक शुरुवात भएको छ । कतिपय पालिकामा पहिला जनप्रतिनिधी नै दोहोरिएका छन् भने अधिकांसमा नयाँ जनप्रतिनिधी आएका छन् । स्थानीय तहको जिम्मेबारी धेरै छ । बिभिन्न किसिमको जिम्मेबारीमा प्राथमिकतामा पर्ने शिक्षा र स्वास्थ्य नै हो । यो दुई क्षेत्र आम मानिसका लागि महत्वपूर्ण हो । देश संघीयतामा गएपछि शिक्षाको जिम्मेबारी स्थानीय तहलाई नै दिइएको छ । तर स्थानीय तहको जिम्मामा शिक्षा आएपछि शिक्षाको स्तर झन खस्किएको छ ।
तर जनप्रतिनिधीको ध्यान यसतर्फ अझै आकर्षित हुन सकेको छैन् । सबैभन्दा नजिकको सरकार भनेको स्थानीय तह नै हा । जनताले चाँडो महसुस गर्न सक्ने सरकार यहीं हो । स्थानीय तहरुपी सरकारले सडक निर्माण, पुलजस्ता कामलाई मात्रै प्राथमिकतामा राख्दै आएका छन् । कुनै पनि पालिका शिक्षित नभएसम्म ती पालिकाको विकास किमार्थ हुन सक्दैन् । सरकारी विद्यालयको भवन ठूला ठूला भएपनि शिक्षाको अवस्था अत्यन्तै नाजुक रहेको कसैसँग लुकेको छैन् ।
राजनीतिक दलका नेताहरुले विद्यालयलाई खेलौना बनाएका छन् । आफ्नो अनुकुलको काम उनीहरुले गरिरहेका छन् । विद्यालय व्यवस्थापनको नाममा मनलाग्दी काम भइरहेको पनि कसैसँग लुकेको छैन् । अन्य कामभन्दा शिक्षालाई प्राथमिकतामा राखेर अघि बढ्नु अहिलेका जनप्रतिनिधीलाई लागि नितान्त जरुरी छ । यसतर्फ पाइला अगाडि बढाउनु जनप्रतिनिधीका लागि आवश्यक भएकाले यसतर्फ गम्भीर भएर ध्यान दिऔं ।
