पंकज झा
राजविराज, २१ भदौ ।
पछिल्लो केहि बर्षदेखि बन्द भई जिर्ण बन्दै गरहेको सप्तरीको तिलाठी कोइलाडी गाउँपालिका १ भन्सारस्थित सार्वजनिक शौचालय मंगलबारदेखि पुनः संचालनमा आएको छ ।
बन्द रहेको शौचालयलाई संचालनमा ल्याइदिन पटक–पटक स्थानीयले जनप्रतिनिधीलाई भन्दा पनि कसैले वास्ता गरेको थिएन् । मंगलबार सप्तरी यूनिक अटो यातायात प्रालि, राजविराजका पदाधिकारीले उक्त शौचालय संचालनमा ल्याएका छन् । वडाअध्यक्ष दिनेश मिश्रलाई पटक–पटक भेटेर संचालनमा ल्याीदन आग्रह गर्दा पनि नल्याइदिएपछि आफूहरु मिलेर संचालनमा ल्याएको प्रालिका सदस्य महेश्वर लाल दासले बताए ।
झण्डै सात बर्षअघि खानेपानी संस्थानद्धारा रु ५ लाखको लागतमा यो सार्वजनिक शौचालय निर्माण गरिएको थियो । निर्माण भएको शौचालय केहि बर्ष यता संचालनमा नहुँदा स्थानीयसहित आवतजावत गर्नेलाई शौच तथा पिसाव गर्न कठिनाई भइरहेको थियो । ‘यहाँ नेपाल र भारतको सीमा छ, दुबै देशका जनता आवतजावत गर्ने गर्छन’ उनले भने, ‘तर भएको सार्वजनिक शौचालय पनि संचालन नहुँदा समस्या भइरहेको थियो ।’
शौचालय छेउमै रहेको ट्युववेल सडकमै पुरिएको छ । यसका लागि पनि आफूहरुले पहल गरिरहेको प्रालिका अध्यक्ष देबेन्द्र शर्माले बताए ।
