एमालेका नेताले जर्वजस्ती टिका लगाएर पार्टी प्रवेश गराएको भ्रम छरेको नेकपा एसका नेताको आरोप

मधेश सम्वाददाता
राजविराज, २४ भदौ ।
नेकपा एकीकृत समाजवादीका राजविराज नगर कमिटि अध्यक्ष मनोज देवले आफूलाई एमाले नेताले जर्वजस्ती टिका लगाइदिएर आफ्नो पार्टीमा प्रवेश गरेको भनी भ्रम फैलाएको आरोप लगाएका छन् ।
पुराना साथीले बोलाएपछि आफू एमाले जिल्ला कमिटिको कार्यालय गएको र त्यहाँबाट फर्कने क्रममा एमालेका पोलिटव्यूरो सदस्य सुमनराज प्याकुलले जर्वजस्ती टिका लगाई पार्टी प्रवेश गराएको भनेर सामाजिक संजालमा भ्रम छरेको देवले शुक्रबार बिज्ञप्ती जारी गर्दै बताएका छन् ।
बिज्ञप्तीमा भनिएको छ, ‘पुराना साथीसँग भेटघाट गरी फर्किने बेलामा प्याकुरेलले आफूलाई भ्रमजालमा पारी जर्वजस्ती टिका लषई पार्टी प्रवेश गरेको सोसल मिडियामा भ्रम छरे ।’
आफू एमालेमा प्रवेश नगरेको र अहिले पनि एकीकृत समाजवादी पार्टीमै आबद्ध रहेको उनले बिज्ञप्ती मार्फत बताएका छन् ।