सर्लाहीमा सर्पदंशले एक महिलाको ज्यान गएको छ ।

मधेश सम्वाददाता
सर्लाही, २५ भदौ ।
जिल्लाको हरिवन नगरपालिका ११ बालुवाटारमा सर्पदंशमा परेकी ती महिलाको उपचारका क्रममा मृत्यु भएको प्रहरीले जनाएको छ ।
स्थानीय भिम प्रसाद दाहालको घरमा काम गर्ने क्रममा ३५ बर्षिया श्याम कुमारी महतोलाई गोमन सर्पले टोकेको । शुक्रबार अबेर सर्पले डसेसँगै उनलाई उपचारको लागि लालबन्दी नगरपालिका १ नवलपुरस्थित सर्प दंश उपचार केन्द्र पुर्याइएको थियो ।
त्यहाँ उपचार सम्भव नभएपछि महतोलाई प्रादेशिक अस्पताल जनकपुर रिफर गरिएको थियो । जनकपुरमा उपचारकै क्रममा उनको बिहीबार राति मृत्यु भएको जिल्ला प्रहरीका प्रवक्ता एवं प्रहरी नायव उपरिक्षक विजय यादवले जानकारी दिए । घटना बारे थप अनुसन्धान भईरहेको जनाएको छ ।