नागरिकता विधेयक प्रमाणीकरण नगरे अदालत जान्छौं ः प्रचण्ड

मधेश सम्वाददाता
जनकपुरधाम, २० भदौ ।
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले राष्ट्रपतिले यस पटक नागरिकता विधेयक प्रमाणीकरण नगरे अदालत जाने बताएका छन् ।
सोमबार जनकपुरधाममा आयोजित एक कार्यक्रममा बोल्दै प्रचण्डले संविधानतः राष्ट्रपतिलाई एक पटकमात्र विधेयक फिर्ता गर्ने अधिकार रहेको र अब प्रमाणीकरण हुनेमा आफु ढुक्क रहेको बताए ।
राष्ट्रपति विद्यादेवी भण्डारीले यस पटक पनि नागरिकता विधेयक प्रमाणीकरण गर्न आलटाल गरेमा अदालतमा जाने प्रचण्डले चेतावनी समेत दिए ।
‘दुवै सदनबाट पारित भएर राष्ट्रपतिकहाँ प्रमाणीकरणका लागि नागरिकता विधेयक गइसकेको छ उहाँले पारित गर्नैपर्ने हुन्छ, तर एक पटक फिर्ता गरेपछि राष्ट्रपतिले अब अर्को पटक फिर्ता गर्ने अधिकार छैन’, प्रचण्डले भने ।