राजविराज । सप्तरी सदरमुकाम राजविराजमा पनि कर्फ्यु आदेश जारी भएको छ ।
आज बिहान ८ बजेदेखि अर्को आदेश नभएसम्मका लागि राजविराज क्षेत्रमा कर्फ्यु आदेश जारी गरिएको प्रमुख जिल्ला अधिकारी श्यामकृष्ण थापाले जानकारी दिएका छन् ।
पूर्वमा खाँडो खोला, पश्चिममा हुलाकी राजमार्ग अन्तर्गत जमुनी–थलही, उत्तरमा रुपनी रोडस्थित बसविट्टी चोक र दक्षिणमा कोशी पश्चिम मूल नहरसम्म कर्फ्यु आदेश जारी गरिएको उनले बताए ।
कर्फ्युको उल्लङ्घन हुने कुनै पनि गतिविधि गरे, गराए वा गराइएको पाइएमा प्रचलित कानुनबमोजिम कारबाही गरिने सूचनामा जनाइएको छ ।
यसअघि हिजो राति १० बजेदेखि बोदेबरसाईन नगरपालिकामा समेत अनिश्चितकालीन कर्फ्यु लागू गरिएको छ ।
सुनसरीको देवानगञ्जमा दुई पक्षबीच भएको झडपले उग्र रूप लिएपछि सिरहा, धनुषासहितका जिल्लाम पनि प्रभाव परेको छ । सप्तरीमा पनि आन्दोलन उग्र बन्न सक्ने भन्दै सप्तरीमा पनि कर्फ्यु लगाइएको छ ।
