राजविराज । सप्तरीमा भएको मोटरसाइकल दुर्घटनामा दुई जनाको ज्यान गएको छ ।
हुलाकी राजमार्ग अन्तर्गत महादेवा गाउँपालिका वडा नम्बर १ चिमटीमा गएराति दुर्घटना भएको हो ।
पकरीबाट बथनाहातर्फ जाँदै गरेको स ०१–००६–प २४९६ नंम्बरको मोटरसाइकल ओभरस्पिडको कारण कल्भर्टमा ठोक्किएर सडक देखि अन्दाजी१५ फिट तल खसेर दुर्घटना भएको प्रहरीले जनाएको छ ।
दुर्घटनामा मोटरसाइकल चालक महादेवा गाउँपालिका १ बस्ने ३५ वर्षीय संतोष राम र पछाडि सबार ४५ वर्षीय शंकर रामको ज्यान गएको छ ।
दुर्घटनामा गम्भीर घाइते भएका दुबैलाई उपचारका लागि छिन्नमस्ता अस्पताल राजविराज ल्याइएकोमा सन्तोषलाई चिकित्सकले मृत घोषणा गरेका थिए ।
शंकरको सामान्य उपचार पश्चात थप उपचारको लागि गोल्डेन अस्पताल बिराटनगर पठाइएकोमा उनलाई पनि चिकित्सकले मृत घोषणा गरेको सप्तरी प्रहरीका प्रवत्ता एवं डीएसपी हेमराज घिमिरेले जानकारी दिए ।
