राजविराज । छाँक टार्न समेत समस्या हुने एक विपन्नको परिवारका अभिभावककै निधन भएपछि ती परिवारलाई सहयोग बापत विभिन्न सामान सहयोग गरिएको छ ।
राजविराज नगरपालिका वडा नम्बर ५ बस्ने अनबहादुर आलेको निधन भएपछि परिवारलाई छाँक टार्न समस्या भइरहेको समाचार संचार माध्यममा आएपछि मुश्लिम समुदायका युवाले आज सहयोग गरेका हुन् ।
बिहान मगरको घरमा पुगेर उनीहरूले सहयोग गरेका हुन् ।
मुश्लिम युवा मो. सनाउद्दिनका अनुसार चार प्याकेट चामल, पाँच किलाे मुरही, पाँच किलो दाल, पाँच लिटर खाने तेल, दुई किलो नून, पाँच किलो च्यूरा, एक बल्यांकेट, एक त्रिपाल र पाँच हजार एक सय नगद मगरको परिवारलाई हस्तान्तरण गरिएको हो ।
७२ बर्षको उमेरमा मगरको निधन भएपछि उनका माइली छोरी १८ बर्षकी इनिशा र कान्छी १६ बर्षकी एरिका किरियापुत्री बसेकी छन् ।
कृया खर्च जुटाउन समस्या भैरहेको निधन भएकाका पत्नी दीपाको प्रतिक्रियापछि आफुहरुले सहयोग गरेको सनाउद्दिनले बताए ।
