मधेश सम्वाददाता
राजविराज, ११ मंसिर ।
किसानलाई प्रत्येक बर्ष हुने मलखाद्यको अभावलाई जसरी पनि परिपूर्ती गराउन जिल्लाका पालिका प्रमुखहरु गम्भीर भएका छन् । उनीहरुले यो बर्ष गहुँको खेती गर्न समयमै मलखाद्य उपलब्ध गराउन माग गरेका छन् ।
जिल्लाका स्थानीय तहका प्रमुखहरुले जिल्लामा चाहिने मलखाद्य उपलब्ध गराउन प्रमुख जिल्ला अधिकारी मार्फत प्रधानमन्त्री तथा मन्त्री परिषद्को कार्यालय, कृषि मन्त्रालय लगायत अन्य सरोकार बाला लाई ज्ञापनपत्र बुझाएका छन् ।
ज्ञापन बुझानुअघि जिल्ला प्रशासन कार्यालयमा बसेको बैठकमा सप्तरीका स्थानीय तहका प्रमुखहरुले जसरी पनि समयमै मलदाख् उपलब्ध गराउन माग गरेका छन् । उनीहरुले हाल स्टकमा रहेका मलखाद्य अबिलम्ब बितरण गर्नुपर्नेमा जोड् दिएको छिन्नमस्ता गाउँपालिकाका अध्यक्ष विद्यानन्द चौधरीले जानकारी गराए ।
सो बैठकले जिल्लाका कृषकहरुको माग बमोजिमको मलखाद्य नदिएकाले बिषयमा सप्तरीका चारै क्षेत्रका नब निर्बाचित प्रतिनिधि सभा सदस्य, प्रदेश सभा सदस्य र स्थानीय तह प्रमुख सहितको संयुक्त बैठक मंसिर १३ गते जिल्ला प्रशासनको सभा हलमा बस्ने निर्णय गरिएको उनले बताए ।
सप्तरीमा रहेको कुल ८१ हजार ६६८ खेतियोग्य जग्गाका लागि युरिया २३ हजार ८५७, डिएपी १२ हजार ७८४ र पोटास ९० हजार २६ मेट्रिक टन आवश्यक रहेपनि सो अनुसारको मल अहिले पनि उपलब्ध भइरहेको छैन् ।
बैठकमा प्रमुख जिल्ला अधिकारी, सशस्त्र प्रहरीका प्रमुख, नेपाल प्रहरीका नायब उपरीक्षक, कृषीज्ञान केन्द्रका प्रमुख, साल्ट ट्रेडिङका प्रतिनिधि, नेपाल पत्रकार महासंघका अध्यक्ष श्रवण कुमार देव, उद्योग बाणिज्य संघका उपाध्यक्ष दुर्गानन्द साहसहितको उपस्थिति रहेको थियो ।
