राजविराज, २४ पुस । सप्तरीको खडक नगरपालिकास्थित हुलाकी राजमार्गमा बिग्रेर राखिएको टिपरमा दुई मोटरसाइकल ठोक्किँदा दुई जनाको मृत्यु भएको छ ।
प्रहरीका अनुसार बिग्रेर राखिएको स.१ख ९२८ नम्बरको टिपरमा बोदे बर्साइनबाट राजविराजतर्फ आउँदै गरेका बा.८९प ३२१५ र प्रदेश १–०२–०४४ प ८६१९ नम्बरको मोटरसाइकल एकै पटक ठोक्किएको हो ।
उक्त दुर्घटनामा दुई जनाको मृत्यु र दुई जना घाइते भएका छन् ।
बा ८९ प ३२१५ नम्बरको मोटरसाइकलका चालक खडक नगपालिका ११ बनौली बस्ने २० बर्षीय बैजु भनिने बैजनाथ चौधरी र प्रदेश १–०२–०४४ प ८६१९ नम्बरको मोटरसाइकलका चालक डाक्नेश्वरी नगरपालिका १० बस्ने २२ बर्षीय रामाकान्त चौधरीको मृत्यु भएको प्रहरीले जनाएको छ ।
प्रदेश १–०२–०४४ प ८६१९ नं. को मोटरसाइकलको पछाडी सवार डाक्नेश्वरी १० बस्ने २२ बर्षीय सुमन चौधरी र बा ८९ प ३२१५ नम्बरको मोटरसाइकलको पछाडि सवार खडक नगरपालिका ११ बनौली बस्ने २२ बर्षीय बुधन चौधरी घाईते भएका छन् । उनीहरुको उपचार भईरहेको सप्तरी प्रहरीका प्रबक्ता एवं डीएसपी नरेश कुमार सिंहले जानकारी दिए ।
टिपर र टिपर चालकलाई नियन्त्रणमा लिएर थप अनुसन्धान कार्य भई रहेको प्रहरीले जनाएको छ ।
