चोरिएको साइकल बेच्दै गर्दा …

मधेश सम्वाददाता
राजविराज, २८ पुस ।
चोरिएको साइकल बेच्दै गरेको अवस्थामा सप्तरी प्रहरीले एक जनालाई पक्राउ गरेको छ ।
पक्राउ पर्नेमा राजविराज नगरपालिका वडा न्म्बर १ निवासी २९ बर्षीय उमेश राम छन् । रामले चोरी गरी ल्याएको साइकल राजविराजकै कुनौली मोडमा बेच्दै गर्दा खटिएको प्रहरी टोलीले उनलाई पक्राउ गरेको छ ।
पक्राउ परेका रामसहित साइकललाई जिल्ला प्रहरी कार्यालय, राजविराजमा राखिएको बताउँदै प्रहरीले साइकल धनीलाई सम्पर्क गर्न अनुरोध गरेको छ ।