मधेश सम्वाददाता
राजविराज, ३ माघ ।
सेवाग्राहीसँग घूस वापतको रकम लिदैं गरेको अवस्थामा सप्तरीबाट एक जना इन्जिनियर पक्राउ परेका छन् ।
अख्तियार दुरुपयोग अनुसन्धान आयोगको टोलीले शम्भुनाथ नगरपालिकामा कार्यरत इन्जिनियर रामचन्द्र साहलाई मंगलबार घूसको रकमसहित पक्राउ गरेको हो ।
साहले आफ्नै कार्यकक्षमा सेवाग्राहीबाट रु एक लाख ४० हजार घुस लिदैं गर्दा पक्राउ गरिएको अख्तियार दुरुपयोग अनुसन्धान आयोगका प्रवक्ता श्याम प्रसाद भण्डारीले जानकारी दिएका छन् ।
निर्माण कार्यको भुक्तानी वापत सेवाग्राहीसँग घुस माग गरिरहेको सूचना एवं उजुरीको आधारमा अख्तियार दुरुपयोग अनुसन्धान आयोगको, इटहरी कार्यालयबाट खटिएको टोलीले इन्जिनियर साहलाई नियन्त्रणमा लिएको हो ।
यस सम्बन्धमा अन्य अनुसन्धान भइरहेको अख्तियारले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
