मधेश सम्वाददाता
राजविराज, २४ पुस ।
तिलाठी कोइलाडी गाउँपालिका वडा नम्बर स्थित ओम सृजन सहकारी संस्था लिमिटेड्को दोस्रो बार्षिक साधारण सभा शनिबार सम्पन्न भएको छ ।
साधारणसभाको एक कार्यक्रमकाबीच प्रदेश सभा सदस्य महेश प्रसाद यादवले उद्घाटन गरे । त्यस अवसरमा बोल्दै यादवले पछिल्लो समय सहकारीले आर्थिक क्षेत्रमा टेवा पु¥याएको भन्दै प्रशंसा गरे । उनले सहकारीलाई कृषि, पशुपंछीसँगै समाजलाई आर्थिक क्षेत्रमा थप मजबुत बनाउन सक्ने योजनामा जोडिन आग्रह गरे ।
उनले रोजगार सृजना गर्ने सवालमा पनि सहकारीले ठूलो भूमिका खेल्न सक्ने भन्दै यसतर्फ ध्यान दिन आग्रह गरे । कृषि क्षेत्रको व्यवसायीकरण, आधुनिकीकरण, यान्त्रिकीकरण र औद्योगिकीकरण आवश्यक रहेको बताउँदै यादवले कृषि क्षेत्रलाई उच्च प्राथमिक्तामा राखेर काम गर्ने प्रतिबद्धता पनि जनाए ।
कार्यक्रममा अर्का प्रदेश सभा सदस्य सतिश कुमार सिंहले छोटो अवधीमै लोकप्रियता कमाउन सफल भएको भन्दै ओम सृजन सहकारीलाई आफ्नो कारोवार क्षेत्रलाई बढाउँदै लग्नुपर्ने बताए ।
कार्यक्रममा प्रदेशसभा सदस्य द्वय यादव र सिंहका साथै संचारकर्मी मनोज कुमार माझी, परिस कर्ण, समाजसेवी रामगमण साह लगायतलाई आयोजक संस्थाले मिथिला पाग र दोसल्ला ओढाएर सम्मान गरेका थिए । कार्यक्रम संचालन पंकज झाले गरेका थिए ।
संस्थाका अध्यक्ष सम्वोध कुमार झाको अध्यक्षतामा आयोजित साधारण सभा उद्घाटन समारोहमा उपाध्यक्ष मुकेश यादवले स्वागत तथा सचिव बब्लु कुमार मिश्रले संस्थाको आयव्यय प्रतिबेदन पेश गरेका थिए ।
