मधेश सम्वाददाता
राजविराज, १४ माघ ।
राजविराज जेसीजको बर्ष २०२३ का लागि छानिएका पदाधिकारीले शनिबार पदस्थापनासहित शपथ ग्रहण गरेका छन् ।
जेसीज भवनको सभाहलमा आयोजित एक कार्यक्रमकाबीच अध्यक्षसहितका पदाधिकारीले पदस्थापना र शपथ ग्रहण गरेका हुन् ।
राजविराज जेसीजको बर्ष २०२३ का लागि उज्जवल काबराको अध्यक्षतामा १३ सदस्यीय नयाँ कार्यसमिति गठन भएको छ । कार्यकारिणी उपाध्यक्षमा बिक्रम काबरा र सुनितकुमार मुन्ना, कानुनी सल्लाहकारमा विप्लब आनन्द, महासचिवमा रबी राय र कोषाध्यक्षमा पंकज देवलाई चयन गरिएको छ ।
उपाध्यक्षहरुमा होमश काबरा, संजोग देव, अनिल साह, रिया राय सञ्चेती, सचिवमा रञ्जना चौधरी, शाखा सम्पादकमा मनिष दास र थिम सम्पादकमा रंजिब साहलाई मनोनित गरिएको छ ।
पदस्थापन कार्यक्रमका प्रमुख अतिथी सकारात्मक भावनाका साथ अघि बढ्न नयाँ पदाधिकारीस्ँग आग्रह गरे । उनले ‘शासन व्यक्तिको होइन बिधीको हुनुपर्छ’ भन्ने जेसीजको दर्शन सबैले आत्मसात गर्नुपर्नेमा पनि जोड् दिए ।
कार्यक्रममा लायन्स क्लबका गर्भनर शंकर शारदा, नेपाल पत्रकार महासंघ, सप्तरीका अध्यक्ष श्रवणकुमार देव, केन्द्रीय सदस्य ललिता कुमारी साह, नेपाल आदिवासी जनजाती महासंघ सप्तरीका अध्यक्ष अरुण प्रधान, राजविराज जेसीजका पूर्व अध्यक्ष मनोहर पोखरेल, अधिवक्ता मनु खनालसहितकाले शुभकामना मन्तव्य व्यक्त गर्दै नयाँ पदाधिकारीलाई बधाई र सफल कार्यकालको शुभकामना दिएका थिए ।
