बढ्दो गर्मी : राजविराजका विद्यालयमा २३ गतेसम्म विदा

राजविराज । राजविराज नगरपालिकाले नगरभित्रका विद्यालयमा ५ दिनको विदा दिएको छ ।

नगरपालिकाको शिक्षा शाखाले बिहीवार एक सूचना जारी गर्दै शुक्रबारदेखि जेठ २३ गते मंगलबारका दिनसम्म विदा दिएको जनाएको छ ।

विगत केहि दिन देखि बढेको अत्यधिक गर्मीका कारण विद्यालयमा हुने पठनपाठन एवम् विद्यार्थीहरुको स्वास्थ्यमा समेत गम्भिर असर पर्न सक्ने देखिएको हुनाले विदा गरिएको शिक्षा शाखाले जनाएको छ ।

पछिल्लो ४ दिन यता अत्यधिक गर्मीका कारण जनजीवन प्रभावित बनेको छ ।