नेपालमा कुन धर्म मान्ने कति ?

राजविराज । राष्ट्रिय तथ्यांक विभागले २०७८ सालमा गरिएको जनगणनाको बाँकी तथ्यांक आज सार्वजनिक गरेको छ ।
विभागले मातृभाषा, धर्म लगायतका तथ्यांक सार्वजनिक गरेको हो । जसअनुसार नेपालमा हिन्दू धर्म मान्ने सबैभन्दा बढी देखिएका छन् । कुल जनसंख्याको २ करोड ३६ लाख ७७ हजार ७४४ जना हिन्दू मान्ने देखिएको विभागको तथ्यांकमा उल्लेख छ ।
यस्तै, बुद्ध धर्म मान्ने २३ लाख ९३ हजार ५४९, इस्लाम धर्म मान्ने १४ लाख ८३ हजार ६६, किराँत धर्म मान्ने ९ लाख २४ हजार २०६, क्रिश्चियन धर्म मान्ने ५ लाख १२ हजार ३१३ रहेका छन् ।
त्यस्तै, प्रकृति धर्म मान्ने १ लाख २ हजार ४८, बान धर्म मान्ने ६७ हजार २२३, जैन धर्म मान्ने २ हजार ३९८, बहाई धर्म मान्ने ५२७ र शिख धर्म मान्ने १ हजार ४९६ जना रहेको विभागले जनाएको छ ।