सडकमा अहिले ग्राभेलको काम भइरहेको छ । ग्राभेलको नाममा ९० प्रतिशात माटो सडकमा खसाइरहेको पाइएको छ । निर्माण कम्पनीले ग्राभेलको नाममा माटो हालिरहेको पाइएपछि काम रोकाइएको छ ।राजविराज । सप्तरीको बिष्णुपुर गाउँपालिका वडा नम्बर १ थलहीमा जारी सडक निर्माणमा कमसल सामग्रीको प्रयोग भइरहेको पाइएको छ ।
उक्त वडाको पर्साही टोलदेखि पम्प नहरसम्म डेढ किलोमिटर पिच सडक निर्माणको काम भइरहेको छ । संघीय सरकार अन्तर्गत राष्ट्रिय योजना मार्फत समपुरक अनुदानको रु १ करोड ८० लाख र पालिकाको समेत १ करोड ८० लाख गरी ३ करोड ६० लाख लागतमा यो सडक निर्माण भइरहेको छ ।
सडक निर्माणको कामको ठेक्का अंशुमन अधिकारी जेभी काठमाडौंले पाएको छ ।
सडकमा अहिले ग्राभेलको काम भइरहेको छ । ग्राभेलको नाममा ९० प्रतिशात माटो सडकमा खसाइरहेको पाइएको छ । निर्माण कम्पनीले ग्राभेलको नाममा माटो हालिरहेको पाइएपछि काम रोकाइएको छ ।
गत पुस महिनामा ठेक्का सम्झौता भई फागुनमा शिलान्यास भएको यो सडकको निर्माण काम अहिले आएर शुरु गरिएको छ । तर कमसल निर्माण सामग्री प्रयोग गरिरहेको पाइएको गाउपालिकाका प्राविधिक इन्जिनियर रामचन्द्र दासले जानकारी दिए । उनले यस्तो ग्राभेलको प्रयोग नगर्न भनेपनि नमानेर बलहठ्याइ गरेको बताए ।
ग्राभेलको नाममा माटो हालिरहेको पाइएपछि काम रोकाइएको वडा अध्यक्ष बलराम यादवले जानकारी दिए ।
गाउँपालिका अध्यक्ष उमेश कुमार यादवले गलत काम गर्ने निर्माण कम्पनीलाई भुक्तानी नदिने बताए ।
ठेकेदार कम्पनीले असारमा जसोतसो ग्राभेलको काम गरेर संघीय सरकारको बजेट निकासा गर्ने दाउमा लागेका हुन् ।
