राजविराज । सप्तरीको रूपनी गाउँपालिकामा ट्रकको ठक्करले बालकको मृत्यु भएपछि स्थानीयले पुर्व पश्चिम् राजमार्ग अबरुद्ध गरेका छन् ।
रुपनी गाउँपालिका १ स्थित पुर्व पश्चिम् राजमार्गमा मंगलबार बिहान पुर्वबाट पश्चिमतर्फ जाँदै गरेको को १ क १०८४ नम्बरको ट्र्कको ठक्करले दिएकाे ठक्करले स्थानीय आजिम जानको १२ बर्षका छोरा रहमान मियाँको मृत्यु भएको हो ।
आधारभुत विद्यालय खोक्सर प्रबाहामा अध्ययनरत बालकलाई विद्यालय जाने क्रममा बिहान ६ बजेतिर ट्रकले ठक्कर दिएको हाे ।
ठक्करले गम्भीर घाईते बालकलाई उपचारका लागि घाेपा क्याम्प धरान पठाएपनि साेही क्रममा मृत्यु भएको प्रहरीले जनाएको छ । मृतक बालक कक्षा ५ मा अध्ययनरत थिए ।
दुर्घटनापछि स्थानीयले पुर्व पश्चिम् राजमार्ग अन्तर्गत रुपनीमा सडक अबरुद्ध गरेका छन् । उनीहरूले मृतक परिवारलाई क्षतिपूर्ति दिनुपर्ने, राति १० बजेदेखि बिहान ५ बजेसम्म मात्रै ट्रक र टिपर चलाउन दिन पाउनुपर्नेसहितका माग राख्दै स्थानीयले सडक अबरुद्ध गरेका हुन् ।
सडक अबरुद्ध गरेपछि दर्जनौं सबारी थन्किएको छ ।
ठक्कर दिने ट्र्क र चालकलाई नियन्त्रणमा लिईसकिएको जिल्ला प्रहरी कार्यालय सप्तरीले जनाएको छ ।
