परिश कर्ण
राजविराज । राजविराजस्थित आशिया पार्टी प्यालेशले जाडोका कारण समस्यामा परेका ३५ परिवारलाई ब्ल्यांकेट बितरण गरेको छ ।
शुक्रबार आफ्नै पार्टी प्यालेशमा एक कार्यक्रमको आयोजना गरी ३५ परिवारलाई ब्ल्यांकेट बितरण गरेको हो ।
आर्थिक रुपले पछि परेका परिवारलाई ब्लयांकेट बितरण गरिएको पार्टी प्यालेशका संचालक अकबर हुसैनले बताए ।
उनकै अध्यक्षतामा भएको कार्यक्रममा उनीसहित नेपाल पत्रकार महासंघ, सप्तरीका अध्यक्ष श्रवणकुमार देव, प्रेस स्वतन्त्रता सेनानी बैद्यनाथ झासहितकाले ब्ल्यांकेट बितरण गरे ।
कार्यक्रमलाई सम्बोधन गर्दै नेपाल पत्रकार महासंघ, सप्तरीका अध्यक्ष देवले कुनै समाजमा स्थापना हुने संस्थाले समाजप्रतिको उत्तरदायित्व पनि बुझ्नुपर्ने बताउँदै आशियाले निर्वाह गरेको यो दायित्वप्रति धन्यवाद दिए ।
सप्तरीमा स्थापना हुने संघ–संस्थाहरु आफ्नोबाहेक समाजप्रति उत्तरदायित्व हुन नसकिरहेको बताउँदै उनले समाजबाट आर्थिक लाभ लिनेलाई समाजमा लगानी पनि गर्नुपर्ने आवश्यक्ता औंल्याए ।
पार्टी प्यालेशका संचालक हुसैनले समाजप्रतिको दायित्व बुझेको बताउँदै आगामी दिनमा यस्तो कार्यलाई निरन्तरता दिने प्रतिबद्धता जनाए ।
