शैलेन्द्र कुमार सिंह
राजविराज । सप्तरीको डाक्नेश्वरी नगरपालिकामा बाटो बनाउने विषयमा भएकाे विवादमा कुटपिट हुँदा आधा दर्जन व्यक्ति घाइते भएका छन् ।
नगरपालिकाको वडा नम्बर ६ फत्तेपुर टोलमा दिउँसो ३ बजेतिर यो घटना भएको हो ।
पोखरीको डिलमा बस्दै आएका दलित समुदायको घर ढलान रोड बनाउने क्रममा तोडन जादा विवाद भइ कुटाकुट भएको हाे ।
दलित समुदायका अगुवा सत्यनारायण पासवानका अनुसार दलित परिवार को घर हटाउने बिषय मा समाजिक कानुनी विकल्प हुदाहुदै पुर्बाग्रही ढंग ले पुर्व क्षेत्रपाल हरिसुदन यादव,उनको छोरा निरज यादव,भाइ राम नरायन यादव,भतिजो रोसन यादव र विवेक यादव सहितकाले एक्कासी कुटपिट गर्दा आधा दर्जन व्यक्ति गम्भीर घाइते घाइते भएका छन् ।
घाइते हुनेमा पृतम पास्वान, उनकी पत्नी मुसनी देवी पास्वान, छोरा रन्जित, छोरीहरु रितु र राखी पासवान तथा बुहारी सरिता देवी पासवान छन् । उनीहरूको उमाकान्त कल्पना मेमोरियल होसपिटल मा उपचार संभाव नभए पछि राजविराजस्थित छिन्नमस्ता अस्पतालमा उपचार भइरहेकाे छ जस मध्ये एक जना को चिन्ताजनक अबस्था छ ।
पुर्व क्षेत्रपाल हरिसुदन यादवले भने पहिला आफूहरूमाथि नै आक्रमण गरेपछि कुटाकुट भएको स्थिति आएको बताएका छन् ।
