गोइठीस्थित मलखाद्य पसलमा आगजनी

राजविराज । सप्तरीको तिरहुत गाउँपालिकास्थित मलखाद्यको एक पसलमा आगजनी गरिएको छ ।

गाउँपालिकाको वडा नम्बर ३ गोइठीस्थितमहेन्द्र प्रसाद मेहताले संचालन गर्दै आएको मलखाद्य एवं किटनाशक बिक्री गर्ने पसलमा शनिबार राति आगजनी गरिएको हो । मेहताका अनुसार घरमा पेट्रेल छर्केर आगो लगाइएको हो ।

स्थानीय केहि व्यक्तिसँग लामो समयदेखि मुद्दामामिला चल्दै आएकाले उनीहरुले नै आगो लगाएको हुन सक्ने मेहता परिवारको आशंका छ ।

आगजनीबाट रु ३ लाखभन्दा बढीको मलखाद्य, किटनाशक औषधि जलेर नष्ट भएको छ । बलरामका बुवा पलट महतो सोही पसलमा सुत्दै आएका थिए । उनी शनिबार राति टोलमा एक जनाको घरमा भइरहेको पूजामा सहभागी हुन जाँदा बचेका थिए । ‘उनलाई नै मार्ने हिसाबले घरमा आगो लगाएको देखिन्छ’ उनले भने, ‘प्रहरीले निष्पक्ष अनुसन्धान गरी न्याय प्रदानमा सहयोग गर्नेछ भन्ने अपेक्षा छ ।’