भारदह । सप्तरीको हनुमाननगर कंकालिनी नगरपालिकामा शिक्षक तथा कर्मचारीले लगाएको ताला मंगलबार साँझबाट खुलेको छ ।
नगरपालिकाले १० दिनभित्र शिक्षकहित सबै कर्मचारीलाई तलव उपलब्ध गराउने लिखित सहमति गरेपछि तालाबन्दी खोलिएको आन्दोलनरत शिक्षक राजनारायण यादवले जानकारी दिए ।
उनका अनुसार सहमति भएसँगै ताला खोलिएको छ ।
नगरपालिकाका प्रमुख बिरेन्द्र माझीको उपस्थितिमा प्रमुख प्रशासकीय अधिकृत किशोर राम र आन्दोलन परिचालन समितिका संयोजक अशोक यादवबीच सहमति भएको छ ।
यो सहमतिअघि नगर प्रमुख माझी, सप्तरीका प्रमुख जिल्ला अधिकारी भोला दाहाल, प्रहरी प्रमुख एसपी ढकेन्द्र खतिवडासहित जनप्रतिनिधीहरुको बैठक बसेको थियो । यो बैठकले पनि १० दिनभित्र सबै कर्मचारीलाई तलव उपलब्ध गराउने निर्णय गरेको छ ।
चालू आ.ब.को हालसम्म पनि तलव, भत्ता नपाएको भन्दै शिक्षक तथा कर्मचारीले गत आईतबार नगरपालिकाको मूल गेटमा ताला लगाएका थिए ।
