राजविराज । सप्तरीका प्रमुख जिल्ला अधिकारी (सीडीओ) भाेला दाहालले गलत काम गर्न भन्नेको फोन कहिले नउठाउने बताएका छन् ।
जिल्ला प्रशासन कार्यालयमा बिहीबार आयोजित सर्वदलीय र सर्वपक्षीय बैठकमा उनले यस्तो बताएका हुन् । ‘गलत कामकाे लागि सोर्स लगाउन कसैले फोन गरे त्यस्ताको फोन कहिले उठ्दैन’ उनले भने ।
प्रमुख जिल्ला अधिकारी दाहालले आफ्नो निवासमा कसैसँग नभेट्ने समेत बताए । ‘कार्यालयमा जोकोहीसँग पनि भेट्न र कानुन अनुसारको काम गर्न पछि हट्ने छैन’ उनले भने’ ‘ तर निवासमा कोहिसँग पनि भेट गर्ने छैन ।’
गलत कामको पक्षधर कहिले नबन्ने प्रतिबद्धता जनाउँदै उनले आवस्यक परेका बेला कसैलाई पनि नछाड्ने बताए । उनले भने, ‘यसमा सबैले सहयोग गर्नुपर्छ ।’
बैठकको प्रमुख एजेन्डा थियो राजविराजमा संचालित महाेत्सवकाे समयावधी बढाउने सम्बन्धी ।
प्रमुख जिल्ला अधिकारी दाहालले यस्ता मेलाका विषयमा कहिलेसम्म अल्झिरहने ? भन्दै प्रश्न गरे ।
‘मेला लगाउनुभन्दा चोरी, तस्करी, बिकृति नियन्त्रण गर्न यस्तो बैठक बस्नुपर्ने होइन ?’ उनले भने ।
दाहालले अघि भने, ‘यहाँको बजार व्यवस्थापन, फोहोर लाजमर्दो होइन ?’
बैठकले महोत्सवको समयावधि मंसिर ४ गतेसम्म थप्ने निर्णय गरिएको छ ।
