राजविराज । सप्तरीका राजनीतिक दलका नेताहरूले आन्दोलनको क्रममा घुसपैठ गरी धनजनको क्षति आगजनी लुटपाट भएको कियाकलाप प्रति घोर भत्र्सना गरेको छ ।
दलका नेताहरूले बिहीबार संयुक्त विज्ञप्ति जारी गर्दै भत्र्सना गरेको हो ।
देशको वर्तमान विषम परिस्थितीलाई मध्य नजर गर्दै सप्तरी जिल्लाका कियाशील राजनितिक दलहरुको संयुक्त बैठक बिहीबार राजविराजमा बसेको हो ।
बैठकले जेन जी उमेर समुहका युवाहरुले पवित्र उदेश्यले गरेको आन्दोलन प्रति उच्च सम्मान प्रकट गर्दै आन्दोलनको कममा ज्यान गुमाएको प्रति हार्दिक श्रद्धाञ्जली अर्पण गरेको छ ।
बैठकपछि जारी विज्ञप्तिमा आन्दोलनको कममा घाइते भएकाहरुको सिघ्र स्वास्थ्य लाभको कामना गर्दै निः शुल्क स्वास्थ्य उपचारको माग गरेको छ ।
जेन जी युवाहरुको आन्दोलनको माग अनुसार वर्तमान सविधान अनुसार राष्ट्रिय राजनितिकको निकास दिन भन्दै उनीहरूले कुनै पनि प्रकारको तानाशाही कियाकलाप प्रतिगमनकारी हर्कत स्वीकार नहुने निर्णय गरेको बताएका छन् ।
वर्तमान राजनितिक निकासको लागि नेपाली सेनाको हेड क्वाटरमा नभई शीतल निवासमा सम्माननीय राष्टपति ज्युको प्रत्यक्ष नेतृत्वमा हुनुपर्ने माग गर्दै नेताहरूले जारी गरेको संयुुक्त विज्ञप्तिमा भनिएको छ, ‘राष्ट्रियता, संघीयता, संघीय लोकतान्त्रिक गणतन्त्र र समाजवाद प्रति प्रतिवद्धता जनाउदै महान जनयुद्ध, एतिहासिक जनआन्दोलन तथा मधेश जनविद्रोहको जगमा प्राप्त संवैधानिक राजनैतिक अधिकारहरुको रक्षा गर्दै संघीय लोकतान्त्रिक गणतन्त्रको दिशामा आगाडि बढन दृढता व्यक्त गर्ने साथै संघीय लोकतान्त्रिक गणतन्त्रको रक्षार्थ वर्तमान संविधानको रक्षाको लागि हरेक प्रकारको प्रतिगमनको विरुद्धमा सम्पुर्ण युवा विद्यार्थी, राजनितिक दल, पत्रकार, नागरीक समाज, वकिल शिक्षक प्राध्यापक कर्मचारी व्यवसायी मानव अधिकारकर्मी, विभिन्न संघ संस्था लगायत आम जनसमुदाय संयमित भई संघीय लोकतान्त्रिक गणतन्त्रको रक्षा गर्न हार्दिक अपिल गर्दछौ ।’
नेपाली कांग्रेसका जिल्ला सचिव सनत कुमार मण्डल, नेकपा एमालेका सचिव देवनाथ यादव, नेकपा माओवादी केन्द्रका सूर्यनाथ यादव र उमेश यादव, जनमत पार्टीका जिल्ला इन्चार्ज रामगमन साह, रास्वपाकाअरुण देव, जनता समाजवादी पार्टी नेपालका जिल्ला उपाध्यक्ष लक्षमण यादव, नेकपा एसका जिल्ला अध्यक्ष प्रतापनारायण चौधरी, लोसपाका जिल्ला अध्यक्ष सुनिल झाले संयुक्त विज्ञप्ति जारी गरेका हुन ।
