राजविराज । मधेश प्रदेश प्रहरी तालिम केन्द्र, जनकपुर सम्पर्क कार्यालय राजविराजबाट २१३ जना जवान दीक्षित भएका छन् ।
प्रहरी जवान आधारभुत तालिम (५-०५) औं समुहका प्रशिक्षार्थी दिक्षित भएका हुन् ।
२७ माघ २०८२ बाट २३४ दिनसम्म संचालित भएको प्रहरी जवान आधारभूत तालिममा २२५ जना रहेकोमा १३ जना विभिन्न कारणले निरन्तरता दिन नसकेको तालिमका संयोजक डीएसपी सुनिल दाहालले जानकारी दिए ।
उनका अनुसार तालिमबाट ११ जना महिला र २०२ जना पुरुष दिक्षित भएका हुन ।
पाठ्यक्रम बमोजिम संचालन गरिएका परीक्षाकाे नतिजा अनुसार ‘क’ श्रेणीमा १७१ जना र ‘ख’ श्रेणीमा ४२ जनाले तालिम सफलतापूर्वक सम्पन्न गरेको डीएसपी ले बताए ।
दिक्षित भएका प्रहरी जवानलाई तालिम केन्द्रका समादेशक भीम दाहालले शपथ ग्रहण गराए ।
दिक्षान्त समारोहलाई सम्बोधन गर्दै मधेश प्रदेश प्रहरीका प्रमुख प्रहरी नायव महानिरिक्षक (डीआईजी) गोबिन्द थपलियाले दिक्षित हुनेलाई सिकेका ज्ञान, कौशलतालाई प्रस्तुत गर्दै जन अपेक्षा अनुसार काम गर्ने विश्वास व्यक्त गरे ।
