सप्तरी–४ : सीताराम साह जीत नजिक

राजविराज । सप्तरी क्षेत्र नम्बर ४ मा राष्ट्रिय स्वतन्त्र पार्टीका उम्मेदवार सीताराम साह जीत नजिक पुगेका छन् ।

कुल चार वटा पालिका रहेको यो क्षेत्रका तीन पालिकाको मतगणना सम्पन्न हुँदा साहले धेरै नै अग्रता लिएका छन् ।

यो क्षेत्रका खडक र बोदे बर्साइन नगरपालिका तथा बलानबिहुल गाउँपालिकाको मतगणना भइसकेको छ । सुरुङा नगरपालिकाको वडा नम्बर १ र २ को पनि गणना भइसकेको निर्वाचन अधिकृतको कार्यालयले जनाएको छ ।

पछिल्लो गणना अनुसार साहले २७ हजार ६८१ मत प्राप्त गरेका छन् । नेपाली कांग्रेसका तेजुलाल चौधरीले नौ हजार ४०३ मत प्राप्त गरेका छन् । जसपा नेपालकी बबी कुमारी यादवले नौ हजार ३२ मत प्राप्त गरेकी छन् ।

अब सुरुङा नगरपालिकाको बाँकी नौ वटा वडाको गणना भइरहेको निर्वाचन अधिकृतको कार्यालयले जनाएको छ ।