सप्तरी–४ : लगातार तीन पटक जितेका तेजुलाललाई हराउँदै सीताराम विजयी 

राजविराज । सप्तरी क्षेत्र नम्बर ४ मा राष्ट्रिय स्वतन्त्र पार्टीका उम्मेदवार सीताराम साह विजयी भएका छन् ।

निर्वाचन अधिकृतको कार्यालयका अनुसार साह ३६ हजार ४१२ मत प्राप्त गरी विजयी भएका हुन् ।

यो क्षेत्रबाट लगातार तीन पटक जितेका नेपाली कांग्रेसका तेजुलाल चौधरीलाई पराजीत गर्दै साहले जितेका हुन् । चौधरी दोस्रो भएका छन् । चौधरीले १३ हजार १०३ मत प्राप्त गरेका छन् ।

जनता समाजवादी पार्टी (जसपा) नेपालकी बबी सिंह यादवले १० हजार २८० मत प्राप्त गरेकी छन् ।