राजविराज । सप्तरी क्षेत्र नम्बर ४ बाट प्रतिनिधी सभा सदस्य पदमा सीताराम साह निर्वाचित भएका छन् ।
३६ हजार ४१२ मत प्राप्त गरी विजयी भएका साह यसअघि प्रदेश सभा सदस्य पद र नगर प्रमुखमा पराजित भएका थिए । उनी २०७४ सालमा प्रदेश सभा सप्तरीको ४ क बाट उम्मेदवार भई पराजित भएका थिए ।
२०७९ सालको स्थानीय तहको निर्वाचनमा उनी आफ्नो गृहनगर खडक नगरपालिकाको मेयर पदका उम्मेदवार बनेका थिए । यी दुबै निर्वाचन उनी नेपाली कांग्रेसबाट लडेका थिए । उनी कांग्रेसका ४ नम्बर क्षेत्रिय सभापति पनि थिए ।
नेपाली कांग्रेसको विशेष महाधिवेसन भइरहँदा काठमाडौं गएका उनी त्यहीं बेला राष्ट्रिय स्वतन्त्र पार्टी (रास्वपा) प्रवेश गरे । र, टिकट लिए ।
रास्वपाको टिकट लिएका उनी यस पटक प्रतिनिधी सभा सदस्य पदमा निर्वाचित भएका छन् । साहका निकटतम प्रतिद्धन्द्धी नेपाली कांग्रेसकै उम्मेदवार बने ।
यो क्षेत्रबाट लगातार तीन पटक जितेका नेपाली कांग्रेसका तेजुलाल चौधरी १३ हजार १०३ मतमै खुम्चिए ।
