राजविराज । जन अधिकार पार्टीले दुई तिहाई पाएको राष्ट्रिय स्वतन्त्र पार्टी (रास्वपा) लाई संघीयतासँग नखेल्न आग्रह गरेको छ ।
पार्टीका अध्यक्ष शरदसिंह यादवले आज राजविराजमा पत्रकार सम्मेलन गरी यस्तो आग्रह गरेका छन् ।
रास्वपाका वरिष्ठ नेता बालेन्द्र साह (बालेन) को नेतृत्वमा बन्ने दुई तिहाईको सरकारले मधेशीले हालसम्म पाएको अधिकारको रक्षा गर्दै पाउन बाँकी रहेको अधिकारलाई संविधान संशोधन मार्फत् सुनिश्चित गर्नेमा आफूहरु आशावादी रहेको अध्यक्ष यादवले बताए ।
‘संघीयता, समावेशिता, समानुपातिक मार्फत् सीमान्तकृत समुदायले पाएको अधिकारबाट कुनै बहानामा बंचित गर्ने दुस्साहस गरिने छैनमा विश्वस्त छौं’ पत्रकार सम्मेलनमा वितरण गरिएको विज्ञप्तीमा भनिएको छ, ‘यदी संघीयतासँग खेल्ने कार्य भए/गरिए मधेशी जनता चुप लागेर बस्ने छैन् ।’
बालेनलाई प्रधानमन्त्रीको उम्मेदवार बनाएपछि मधेशी जनताले भारी मत दिएको र बालेनले स्वयं जनकपुरकमा मधेशी जनतालाई अब अधिकारका लागि नभई पशुपतिनाथको दर्शन गर्न मात्रै काठमाडौं जानुपर्ने र संघीयतालाई अझ बलियो बनाउने प्रतिवद्धता व्यक्त गरेको स्मरण विज्ञप्तीमा गराइएको छ ।
