राजविराज । सप्तरीबाट विभिन्न लागूऔषधसहित दुई जना समातिएका छन् । एक जना सरकारी कर्मचारीसहित दुई जना पक्राउ परेका हुन ।
छिन्नमस्ता गाउँपालिका ३ बस्ने ३१ बर्षका सुरेन्द्र शर्मा र रुपनी गाउँपालिका ३ बस्ने बर्ष १८ का बिक्रम कुमार मण्डललाई पक्राउ गरिएको हो । पक्राउ पर्ने शर्मा छिन्नमस्ता गाउँपालिकाको कृषि शाखामा कार्यरत रहेको प्रहरी श्रोतले जनाएको छ ।
उनीहरूको साथबाट १० एम्पुल क्रेक्स डीएक्स १ बाेतल, फेनारगन २ एमएलकाे ९ एम्पुल, एपुलल जेरिस ११ एम्पुल, गाँजा २५ ग्राम र सिरिन्ज एक थान बरामद भएको छ ।
उनीहरूलाई सशस्त्र प्रहरीको टोलीले राजगढ गाउँपालिका २ बनैनियाबाट नियन्त्रणमा लिएको सप्तरी प्रहरीका प्रवक्ता एवं डीएसपी डम्बरबहादुर पुरीले जानकारी दिए ।
भारतबाट नेपालतर्फ आउँदै गर्दा उनीहरू पक्राउ परेका हुन् ।
यस सम्बन्धमा अन्य आवश्यक अनुसन्धान भैरहेको जिल्ला प्रहरी कार्यालय, राजविराजले जनाएको छ ।
