राजविराज । सप्तरीको कंचनरुप नगरपालिका वडा नम्बर १२ स्थित शंकर मावि रुपनगरमा शनिबार एक दिने नि:शुल्क स्वास्थ्य शिविरकाे आयोजना गरिएको छ।
छिमेक लघुवित्त वित्तीय संस्था लिमिटेड शाखा कार्यालय कंचनरुपकाे आयोजना तथा ओम पाेलिक्लिनिक एण्ड अर्थाे केयर सेन्टर प्रा. लि. लहान सिरहाकाे सहयोगमा शिविरकाे आयोजना गरिएको हाे ।
शिविरमा स्त्रीरोग, जेनरल फिजिसियन तथा हार्डजाेर्नीका बिरामीको जाँच गर्दै औषधि समेत बितरण गरिएको छ ।
गरीब, विपन्न परिवारलाई नि:शुल्क उपचार गर्न संचालन भएको शिविरमा चार सय जनालाई चेकजाँच गरी औषधि समेत नि:शुल्क वितरण गरिएको छिमेक लघुवित्त संस्था लिमिटेडका सामाजिक विकास तथा ग्राहक संरक्षण विभाग का प्रवन्धक प्रकाश राजवंशीले जानकारी गराए ।
केयर सेन्टरबाट फिजिसियन डा.रितेश कुमार गिरी , हाडजोर्नी डा.ओम प्रकाश चौधरी , गायनेक्लाेजिस्ट डा. गीता कुमारी यादव तथा डा. माे. अहमदुल्लाह अंसारी, अंजना मण्डल सहित सिनियर अनमी स्टाफ नर्स र फार्मेसिस्ट गरी पन्द्र जनाकाे टिम द्वारा उपचार र आौषधी वितरण गरिएको थियो ।
