राजविराज । गुडदै गरेको मोटरसाइकल नहरमा खस्दा सप्तरीका एक युवकको मृत्यु भएको छ भने एक जना घाइते भएका छन् ।
सुनसरीको गढी गाउँपालिका वडा नम्बर ३ चालीसहट्टीमा प्रदेश १–०२–०५२ प ४५५० नम्बरको मोटरसाइकल अनियन्त्रित भई सडकबाट नहरमा खसेको हो ।
गएराति ११ बजेतिर भएको उक्त दुर्घटनामा सप्तरीको तिरहुत गाउँपालिका वडा नम्बर ३ बस्ने २५ वर्षीय शिवम यादवको मृत्यु भएको प्रहरीले जनाएको छ ।
गम्भीर घाइते भएका यादवको उपचारको क्रममा कोशी अस्पताल विराटनगरमा मृत्यु भएको हो ।
मोटरसाइकलमा सबार अर्को व्यक्ति सप्तरीकै हनुमाननगर कंकालिनी नगरपालिका ४ बस्ने २३ वर्षीय दीपक कुमार यादव घाइते छन् । उनको कोशी अस्पताल विराटनगरमा उपचार भइरहेको जिल्ला प्रहरी कार्यालय, सुनसरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
2
+1
1
+1
6
