राजविराज । नेपाली कांग्रेस सप्तरीमा २१ हजारभन्दा बढी सूचीकृत मतदाता कृयाशिल सदस्य बनेका छन् ।
कांग्रेसले शनिबार राजविराजस्थित जिल्ला पार्टी कार्यालयमा पत्रकार सम्मेलन गरी यो जानकारी गराएको हो ।
पत्रकार सम्मेलनमा जिल्ला सभापति रामदेव साहले हाल जिल्लामा २१ हजार ३१ सूचीकृत मतदाता कृयाशिल सदस्य बनेको जानकारी दिए ।
उनका अनुसार यसअघि जिल्लमा ९ हजार जना मात्रै कृयाशिल सदस्य थिए । पार्टीले सदस्यता अद्यावधिक गर्न भन्दा ६ हजारले मात्रै गराएका छन् ।
सदस्यता अद्यावधिक नगर्ने केही व्यक्ति अरु पार्टीमा लगेको हुन सक्ने र विभिन्न कारणले गराएको हुन नसक्ने उनले बताए ।
तर, अनलाइन मार्फत् १५ हजार ३१ जना सूचीकृत मतदाताले कृयाशिल सदस्यता लिएको उनले बताए ।
पत्रकार सम्मेलनमा केन्द्रीय पर्यवेक्षक केन्द्रीय सदस्य रामपलटन साहले पार्टीले अनलाइन मार्फत् सदस्यताका लागि आहवान गर्दा १५ हजारले सदस्यता लिएको जानकारी दिए ।
पार्टीका जिल्ला प्रवक्ता नन्दकिशोर यादवले अद्यावधिक गर्न नपाएका पुराना कृयाशिल सदस्यले अब पनि गराउन चाहे केन्द्रसँग समन्वय गरेर गराइदिने बताए ।
कुनै गुट उपगुट छैन
पत्रकार सम्मेलनमा नेताहरुले जिल्लाम पार्टीभित्र कुनै गुट उपगुट नभएको दाबी गरे ।
जिल्ला सभापति साहले वडादेखि जिल्लासम्म कुनै विवाद र समस्या नभएको बताए । एक भएर अगाडि बढन सम्पूर्ण नेता र कार्यकर्ताहरु एकमत रहेको उनले बताए ।
पार्टीका केन्द्रीय सदस्य दिनेश कुमार यादवले पनि पार्टीभित्र कुनै विवाद नभएको बताए । ‘जिल्ला तहमा हामी एक भएर अघि बढिरहेका छौं’ उनले भने ।
केन्द्रीय पर्यवेक्षक केन्द्रीय सदस्य रामपलटन साहले मन, वचन र कर्मका साथ सप्तरीका नेता/कार्यकर्ता अघि बढेको बताए ।
मधेश प्रदेश र नेपालमा पार्टीलाई उर्जावान बनाउन यहाँका नेताहरु एकमत रहेको उनले बताए ।
कुनै गुट उपगुटमा नपरी यहाँका नेता कार्यकर्ताहरु संगठन निर्माणमा जुटेको उनले बताए ।
उनले अब पार्टीमा एक पटक समानुपातिक भइसकेका व्यक्ति अर्को पटक रिपिट नहुने समेत बताए ।
